பாதையாவும் பாதம்படும்வரை வெற்றிடமே!
சோலையாவும் மழைபெய்யும்வரை போர்களமே!
கோழையாக நீ இருக்கும்வரை
கேலியாகத்தான் ஊர் நகைக்கும்!
பேதைபோல மனம் பதைக்கும்!
ஆம்! உண்மை சற்று கசக்கும்!
ஆகையால், துணிந்து சபை ஏறிவிடு,
ஒருகை பார்த்துவிடு அடிமைப்பெண்ணே!
தலை நிமிரட்டும்! விழித்திமிரட்டும்!
மடமை உடையட்டும்! மெய்யியல் மலரட்டும்!
புதுமை பிறக்கட்டும்! பெண்ணியம் சிறக்கட்டும்!
யார் ஆதிக்கமாக இருந்தால் என்ன?
ஆணாதிக்கமாக இருந்தால் என்ன?
அதட்டும் உதடுகள் அடங்கட்டும்.
அடிமையென்னம் ஒழியட்டும்.
விடுதலை விடியட்டும்! பெண் சுதந்திரம் அடையட்டும்!
0 Please share your thoughts and suggestions!:
கருத்துரையிடுக