மறக்கமுடியவில்லை!

அழகாய் பேசிய வார்த்தையை விட ஆறுதல் கூறிய வார்த்தைகளை                 மறக்கமுடியவில்லை ! அழுத கண்ணீரின் வலிகளை விட அன்பாய்ப்பார்த்த விழிகள் வழிகாட்டியதை                 மறக்கமுடியவில்லை ! இருள் சூழ்ந்த மனதை மாற்ற இனிய உறவாய் நான் இருப்பேன் என்ற ஒற்றைச்சொல்லின் அர்த்தத்தை                  மறக்கமுடியவில்லை ! கைவிரல் பிடித்து நடை காட்டிய அம்மாவைவிட தள்ளாடும் வரை பாதையாய் பாவை உன்னில் பதிந்திருப்பேன் என்பதனையை                  மறக்கமுடியவில்லை ! உறவுகள் மத்தியில் உரிமையோடு உறவு பேசி உறவாடிய விதத்தை                   மறக்கமுடியவில்லை ! காதலால் களவாடிய இதயத்தை காட்சியாய் வேறொன்று கிடைத்ததும் காயப்படுத்திய தடையத்தை                    மறக்கமுடியவில்லை ! ஒளியாய் இருப்பேன் என்று விழியைப்பறித்து விழிப்புணர்வு ஏற்படுத்திய விதத்தை                    மறக்கமுடியவில்லை ! இலவம் பஞ்சு இதயத்தை இலகுவாக பேசி தீ மூட்டிய தனலை                   மறக்கமுடியவில்லை ! ஏழன பார்வையில் ஏகாந்த உரையில் ஏறி மிதித்த சொற்களை                 மறக்கமுடியவில்லை ! நான் பட்ட அவமானம் உனது கிரீடமாய் தலையில் நிற்பதை                 மறக்கமுடியவில்லை ! கண்ணீர்விட்ட தலையனையில் சாட்சி சொல்ல துடிப்பதை                  மறக்கமுடியவில்லை ! நீண்ட பாதையில் நிற்கதியாய் நிறுத்தியதை                 மறக்கமுடியவில்லை ! மறக்க நினைக்கும் ஓர் சொல்              உன் பெயர் மட்டுமே மறையாமல் வாழ்வேன் இதயத்தில்             என்று  நங்கூரம் பேசுவதை                  மறக்கமுடியவில்லை ! மறுஜென்மம் எடுத்தாலும் மனதில் மறையா உன் ஞாபக அலைகளை                   மறக்கமுடியவில்லை ! மறையாமல் வாழ்கிறாய் மூச்சு உள்ள வரை...

- லதா